Nanortalimmi tunisassiorfiup qanittukkut ammarnissaa ilimagaat

Arctic Green Food Nanortalimmi aalisakkanik avammut aggustimiit tunisassiulersinnaanissamik neriuuteqartoq, Naalagaaffiup inuussutissalerinermi Nakkutilliivianit avammut nioqqutissiulersinnaanermik immikkut akuerineqarluni siusinnerusukkut aallartissinnaalerunartoq, pisortaq Tønnes Berthelsen ilisimatitsivoq.

Mogens Clausenili, Danmarkimi Inuussutissalerinermi Nakkutilliiviup nunanut allanut nioqqutissiorsinnaalernissamik qinnuteqartarfiup pisortaa, ippassaq radioavisimut oqarpoq, avammut nioqqutissiorsinnaanissaannik akuerisat ingerlaannaq aallartissinnaanngitsut. EU-p allattorsimaffinniilerunik aatsaat tamanna angusinnaavaat, qaammatit marluk missaat qaangiuppata.

Mogens Clausenip Nanortalimmi Arctic Green Food-ip aalisakkerivittaava, avammut nioqqutissiorsinnaanissamik qinnuteqarsimasoq, takuniaqqammerpaa.

Taqqavani aalisartut Arctic Green Food-illu utaqqikatallutik tuavisaareqqammerput.

Pisortallu Tønnes Berthelsenip qaammatini marlunni utaqqinatik qanittukkut iluatsissinnaanera ilimagilereerpaa.