- Illutaa oqummik assut ajoqusersimavoq, siallertillugu imeq igalaatigut isaasarpoq, tamatumalu kinguneraa init ilaat matusariaqarneri najugaqarfigeqqusaanatik. Najugaqartut tamarmik inaasa iigai asvestolux-imik qaalligaapput. Ullumikkut asbest sanaartornermi atoqqusaanngilaq, ingammik init iigaanni inunnik najorneqartuni, Doris Jakobsen oqarpoq. Taannalu isumaqarpoq illutaa atuartunut sulisunullu peqqinnissakkut kinguneqartitsisimassasoq.
Taassuma aningaasaqarnermut ataatsimiititaliamut tusagassiuutinullu saaffiginninnermi tikkuarpaa siornatigut illup nutarterneqarnissaanut arlaleriarluni aningaasanik immikkoortitsisoqartarsimasoq, kisianni illutaa ima aserfallatsigisimavoq iluarsaassinerit sivisulaartumik atasinnaanatik.
- Taamaattunmik kollegiamik nutaamik sananissaq kinguarsaqqissinnaanngilarput sanaartornissarlu aningaasanut inatsimmut ikkunneqartariaqarpoq nutaamik kollegialiortoqarnissaa pisariaqarluinnarmat, Doris Jakobsen naggassiivoq.