Nanortalik pingasunngornerutinnagu borgmesterertaartariaqarpoq
Nanortallip borgmesterertaava kinaassanersoq ualeru nalunarunnaarsinnaavoq. Siumut IA-lu kommunalbestyrelsimi amerlanerussuteqavissut ullumi aalajangissagunarpaat Tage Frederiksenimut kina taartaassanersoq.
Sapaatip akunnerani tullermi pingasunngorninngortinnagu, septemberip ulluisa arfineq-aappaat Nanortalik borgmesterertaarsimasariaqarpoq. Kommunep aqunneqarneranut ileqqoreqqusaliat malillugit ulloq taanna kingusinnerpaamik periarfissaavoq toqqaanissamut, borgmesterip tullersortaa Debora Kleist oqarpoq. Kommunalbestyrelselu ullumikkorpiaq immikkut ittumik ataatsimiippoq.
Inuit Ataqatigiit siulittaasuat, Arqalo Petrussen, oqarpoq IA-meersumik borgmesterissarsiorniarlutik, Debora Kleistilu piukkukkitsik.
Siumup siulittaasua, Peter Sonberg, oqarpoq kommunalbestyrelsemi Siumukkormiut amerlassusiat aalajangiisuusariaqartoq, kisianni aamma nassuerutigalugu isumaqatigiinniarneqarmat pitsaasumik isumaqatigiissuteqarneq pissutigalugu Siumut borgmesterinngortitsinngitsoorsinnaasoq.
Peter Borg demokraateq kommunalbestyrelsermiut inissitsiteqqaarneranni peqataasimasoq maanna aallaqqavoq ullumilu ataatsimiinnermi najuugani. Taamaakkaluaq nutaamik isumaqatigiinniarnermi
demokraatit mattunneqanngillat, Debora Kleist oqarpoq.
- Demokraatit Atassullu tamaasa aamma oqaloqatigissavavut, borgmesteriugallartoq Debora Kleist oqarpoq.
Nanortallip borgmesteria, Tage Frederiksen, qnikkatut sulisinnaanermik aalajangiisartunit borgmesterioqqusaajunnaarpoq Nanortalimmi politiinut pisortaanermi nalaani pisussaassutsiminik sumiginnnaasimasutut eqqartuussaanikuugami.
