Nanoq.gl malinnaajunnaartoq
Namminersornerullutik Oqartussani susoqarneranik, politikkikkullumi qanoq ingerlasoqarnera pillugu, malinnaajumagaanni, internetikkut nittartagaq – nanoq naggat gl alakkakulasarnarpoq.
Piffissamili sivitsulersumi malunnarsiartorpoq nanoq naggat gl massakkorpiaq pisunut malinnaarpiarunnaarsimasoq, paasissutissaaterpassuisalu ilaat qanganitsilersimasut.
Sulisullumi kikkuuneri aamma qanganitsilersimapput.
- Taamaattumik nittartakkap pitsaanerusunngortinneqarnissaa, ullutsinnullu naapertuunnerususunik paasissutissanik imaqarnerulernissaa samminialerparput, Namminersornerullutik Oqartussat Tusagassiivianni, nanoq gl-imik ingerlatsiviusumi, pisortaq, Emma Kristensen oqarpoq.
- Nittartakkamut ilioraasussanik, imaluunniit immersuisussanik, webmasterinik, piffissami sivitsulersumi amigaateqartoqarsimavoq, taakkulu inuttarsineqariarpata paasissutissarpassuit iliorarneqarsinnaanngulissapput, Emma Kristensen oqarpoq.