Nanoq ullaaq takornariamik toqutsivoq
Illoqarfimmit Longyearbyenimit 40 kilometerinik ungasissulimmi sermimi iigartartumi Van Post-imi nannup tuluit takornariat saassuppai. Sermeq iigartartoq Svalbardimi kangerluup Tempelfjordip qinnguani nunami allanngutsaaliukkamiippoq.
Tamaani oqartussaasoq, Sysselmanden, nannup saassussinera pillugu ullaaq tappavani arfineq pingasunut qiteqquttoq nalunaarfigineqarpoq.
Saassussineq pillugu suli paasissutissaqarpallaanngilaq, taamaattorli takornariat namminneerlutik nanoq toqussinnaasimagaat oqaatigineqarluni. Takornariat saassussinerrmit ikilerneqartut qulimiguulimmik Longyearbyeniliaanneqartut oqaatigineqarpoq, tassanngaanniillu Tromsømi universitetip napparsimmavianut ingerlateqqinneqassallutik. Ikilerneqartut sisamat inuunerminnik ulorianartorsiunngitsut oqaatigineqarpoq.