Nanoq Amok Lego Legeua-mi ajugaavoq

Nuummi atuartut 9 klassit akornanni unammineranni Kangillinnguani atuartut ajugaasutut suaarutigineqarput . Unammissutigineqarpoq pinguaatinik LEGO-mit sanaasunit ikkussuilluni unnammisitsineqarmat, unammineq Atuarfimmi kangillinnguani ingerlanneqarpoq unammeqataasullu suleqatigiit arfineq marluupput atuarfinni assigiingitsuninngaaneersuullutik. Ajugaasut tassaapput Kangillinnguani 9 klassimi atuartut unamminermi taaguuteqarlutik Nanoq Amok ajugaasut aasaru sverigimut 2 december unammiartussapput Sverigemi First Lego legeau –mi unammeqataassallutik, skandinaviamiut Firs lego legeau-mi unammineranni peqataassallutik, skandinaviumiullu akornanni unammneq ingerlanneqareerpat europami pissartanngorniunermut anngunitissallutik.

Ajugaasut Nanoq Amok atugaqatigiit Kangillinnguani atuartut arfiniliupput niviarsiaqqat pingasut nukappiaqqallu pingasut. Unnammissutigineqartut arlaliupput tassalu suleqatigiissinnaaneq, atuagarsorneq, teknik aammalu qitimmik takutitsilluni unammineqarpoq taakkualu tamaasa katillugit Nanoq Amok ajugaasuuvoq. Unammineq arfininngornermi qulinut aallartippoq ualikkullu pingasunut qiteqquttoq ajugaasut suaarutigineqarput.