Nanoq Aasiaat eqqaanni takuneqartoq
Aasiaat eqqaanni nannumik nalunaaqutaq ataatsip missaani takusoqarsimanera politiit uppernarsarpaat.
Nanoq Tupilaap eqqaaniittoq nal. ataatsip missaani takuneqarpoq. Assi: Toqqorsivimmit
Allattoq Thomas Munk Veirum, Arnaq Nielsen
septembarip 17-at 2019 14:10
Aasiaat eqqaani nannumik nal. Ataatsip missaani siumuisoqarpoq. Nanorlu takuniarlugu politiit maanna aallareersut, politiinit nalunaarutigineqarpoq.
Nanoq Aasiaat illoqarfiata eqqannguani Tupilammiittoq maannakkut malinnaavigineqartoq pisarineqaqqusaanngitsoq, Kommune Qeqertalimmi Inuussutissarsiornermik ingerlatsiviup facebookimi quppernerminni nalunaarutigaat.
Kommune Qeqertalimmi nannuttassiissutit tamarmik marsimi pisarineqarput.
Taamaattumillu nanoq uterluni Aasiaat illoqarfia qanillissagaluarpagu politiit attaveqarfigeqquneqarput uunga normumut 701424.