Nannuttassat ikiliartorput

Ukiormanna Savissivimmi pisassiissutigineqartut 18-iusut maanna tamakkerneqareersimalersut, Piniarnermut Naalakkersuisoqarfiup nalunaarutigaa, taamaattumillu Savissivimmi 2012-imi nannunniarsinnaaneq maanna unitsinneqartoq. Sumiiffinni allani pisassat takukkit.
Allattoq Elisa Isaksen
marsip 18-at 2012 06:47

Avannarpasinnerusumi Qaanaami suli arfinilinnik nannuttassaqarnertik nuannaarutigisinnaavaat, Sisimiunit Nuummut ukiormanna pisassiissutigineqartut nannut pingasut suli pisarineqanngillat aamma Paamiunit Nanortalimmut suli pingasunik nannuttassaqarput.

Tunumi ukiormanna aamma suli nannuttassaqarluarput.

Illoqqortoormiuni arfineq pingasut pisarineqareermata, suli 27-nik nannuttassaqarput.

Tasiilami eqqaanilu aamma suli nannuttassaqarput. Arfinillit pisarineqareermata suli 19-inik nannuttassaqarput.