- Canadami Kalaallillu Nunaanni ukiut qulit 20-lluunniit matuma siornatigumut naleqqiullugu, nannut inoqarfinni ullumikkut takussaanerupput, tamanna marlunnik nassuiaatissaqarsinnaavoq. Imaassinnaavoq nannut amerlisimasut imaluunniit sikorsuakinnerulernera nannut inoqarfinnut qanillinerannut pissutaasinnaavoq. Pinngortitaleriffimmi immikkoortortaqarfimmi aqutsisoq Fernando Ugarte oqarpoq.
Baffinip Ikerasaani 1990-ikkut aallartilaarneranni nannunik kingullermik kisitsisoqarmat, nannut 1600-t missaannut amerlassusilerneqarput. Nunatta kitaani nannunik aappaagumut kisitsinissaq tulleq pilersaarutaavoq.
- Kalaallit Nunaata kitaani nannunik satellittikkut siorna nassitsissutilersuivugut, aamma marsip qaammataani taamaalioqqissaagut, neriuutigaarpullu aapaagu helikopterikkut nannunik kisitsisinnaassalluta, taamaalilluta Kalaallit Nunaata kitaani nannut qanoq amerlatiginersut kisitsisinngorlugit oqaatigisinnaalissagaluaratsigik, Fernando Ugarte oqarpoq.