Nannut pillugit nunat tamat peqataaffigissaannik ataatsimiinneq

Ataatsimiinnermi nunat tamat peqataaffigissaanni, issittumi nannut amerlassussii qanorlu inissisimanerat oqaluuserineqassaaq.

Silap pissusaata allanngoriartornerata kingunerisaanik silaannaap kiatsikkiartornerani mingutitsinerullu kingunerisaanik nannunut sunniutai immikkut ilisimasallit oqaluuserissavaat.

Issittumi nannut amerlassusiinik kisitisisarnerit , silap pissusaata allanngorneratigut allannguutissai sammineqassapput.

Nannut pillugit ataatsimiinnermi Kalaallit Nunaat ataatsimiinnermik ingerlatsisuuvoq qaaqqusisuulluni ataatsimiinnermi Canada Norge Rusland USAlu peqataapput. Nannut pillugit immikkut ilisimasallit saniatigut piniartut aamma ataatsimiinermi peqataapput. Nannut pillugit nunat tamat peqataaffigisaannik ataatsimiinneq juulip ulluisa pingajuata tungaanut ingerlanneqassaaq.