Nannut nunguttussanngornerarneqarnerat tutsuiginanngilaq

Amerikamiut misissuereerlutik nalunaarput ukiut 50-iniit 100-nut qaangiuppata nannut 66 procentinik ikilinissaat naatsorsuutigalugu.

Amerikamiut misissueqqissaarnerat naapertorlugu ukiut 50-iniit 100-nut qaangiuppata nannut nungussanerarlugit oqartoqarmat nalunaarusiaq atuareerlugu, Pingortitaleriffimmi nannut pillugit ilisimatooq, Erik Born, imatut oqarpoq:

Amerikamiut misissuereerlutik nalunaarput ukiut 50-iniit 100-nut qaangiuppata nannut 66 procentinik ikilinissaat naatsorsuutigalugu, sikup aakkiartornerata kinguneranik. Missingersuinerminnut tunngaavigaat qaammataasaniit assilisat, silalu pillugu nunat tamat misissuititaasa paasisaat. Paasisallu taakku katillugit siulittuutitut saqqummiunneqartut takutippaat issittup suani nannut ikiliartussanersut. Kalaallit Nunaannut tunngatillugu ilimagineqarpoq Tunup avannarpasinnerusortaani avannaarsuanilu, kiisalu Akilerngup avannarpasinnerusortaani suli taamanikkussamut sikoqassasoq nanoqarfiusinnaasunik. Missingersuutit ersersippaat Kalaallit Nunaata Kitaata Avannaani nanoqarfiusinnaasumik sikuerutissasoq. Missingersuutaasartulli allat assigalugit tutsuiginavissortutut tamakku isigineqarsinnaanngillat.

Amerikamiut nannut pillugit sikullu aakkiartornera pillugu nalunaarusiaat septembarip ulluisa 20-anni U.S. geological Survey-ip nittartagaani saqqummiunneqarpoq.

Nalunaarusiami allassimasut naapertorlugit nunarsuarmi nannut 24.000-it missaanniipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat