Nannut nungutaanissamut navianartorsiortitaanngujoorput

CITES Bangkokimi marsip qaammataani ataatsimeersuartitsilerpat nannut uumasut nungutaanissamut navianartorsiortinneqartut allattorsimaffiinut ilanngunneqarnissaannik USA-p siunnersuutaanut amerlanerussuteqartut akuersinissaat Canadami naggueqatitta Inuit ernummagilerpaat.

Allattoq Marianne Stenbæk, Montreal, Canada, Simon Uldum

februaarip 12-at 2013 07:45

Siunnersuutigineqartoq akuerineqassappat Canadamiut Inuit isertitarilluartakkaminnik annaasaqassapput, nannup amiinik nannullu pisataanik tuniniaasoqaqqusaajunnaassammat.

Nunat arlallit Canadamik maannamut tapersersuisimasut isumartik allanngortillugu USA-p siunnersuutaa akuerseqataaffiginiarpaat. Aviisi Globe and Mail naapertorlugu nunat pineqartut tassaapput Tuluit Nunaat, Holland aamma Rusland. EU ataatsimiinnermi qanoq taaseqataassanersoq suli nalorninarpoq.

Canadap nannoqassusaa pitsaasuusoq piujuaannartitsinissarlu eqqarsaatigalugu inissisimalluartoq, aammalu nunat tamat akornanni niuerutaanera navianartorsiortitsinani silap pissusaata allanngoriartornera pissutaasoq Canadamiut Inuit politikerillu qangaaniilli erseqqissaatigisarpaat.

Nannut nungutaanissamut navianartorsiortitaanngujoorput

Aamma atuaruk