Nannut amerlassusii 2010-imi kisinneqassapput

Kingullermik 1997-mi nunatta kitaatata avannaani Baffin Bugtimi nannunik kisistsoqarpoq. Tunumi nannut suli kisinneqarsimanngitsut 2010-mi kisinneqarnissaat Pinngortitaleriffiup siunnerfigaa.
Allattoq Jaaku Lyberth
apriilip 30-at 2009 08:41

2009-mi nannut 130-it katillugit pisarineqarsinnaapput. Tunumi Kujataanilu 54-sit, Qeqqani, Upernavimmi Savissivimmilu 70-sit Qaanaamilu arfinillit.

Taakunannga 111-it pisarineqareerput, erseqqisaatigissavarput kisitsisit nikinganeqarsinnaammata. Taamaasilluni nannuttassat sinneruttut 19-nit missaannaaniilerput. Avannaani Tunumilu Tasiilap eqqaani nanorpassuit takussaapput.

Upernavimmi, Savissivimmi Tasiilamilu, soorlu Savissivimmi piniartoq Qaarngaaq Nielsen imaqa oqaluttuarpoq"Piniartut oqarput nannunik kisitseqqittoqartariaqartoq, pisassallu amerlineqartariaqartut. Piniartut aningaasarsiornerminni eqqugaasimasut killilersuinerpassuit qatsutivippat.

Pinngortitaleriffimmi nannut pillugit ilisimatusartoq Erik Born oqarpoq Pinngortitaleriffiup 2010-mi nannunik siullermeertumik kisitsinissaq siunnerfigigaa.

- Maanna siunersuutigaarput Tunumi aappaagu, tassa 2010-mi nannunik kisitsisoqassasoq, sineriarujussuarmi timmisartut arlallit atorlugit kisitsisoqarnissaa siunerfigaarput, akisoorujussuussaarlu. 2011-milu Canadimiut suleqatigalugit Baffinnip kangerliumanerani nannunik kisitsisoqarnissaa, tassa kitaata avannaani.

Ilisimaneqarpoq nannut nunatta Canadallu imartaanni nunataannilu angalaarfeqartut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq