Nannunik qaqortanit tammajuitsussiat tunisassiallu inerteqqqutaaleqquai

Tuluit avatangiisinut ministeriata Hilary Benn-ip suulluunniit nannunit qaqortanit tammajuitsussarsiatut suliat tunisassiarineqarsimasullu inerteqqutigineqalernissaat piumasaraa.Taama tuluit aviisiat The Independent on Sunday allaaserinnippoq.

Avatangiisinut ministerip taassuma aamma EU-kommissioni tamatuminnga inerteqquteqalernissaanik kajumissaarnialersaarpaa.

Hilary Bennip taama iliuuseqalersaarnera aallaaveqarpoq, sapaatip akunnerata naanerata siuliani aviisimi allaaserineqarmat tuluit aallaaniartartorpassuit nannnunik qaqortanik pisaqarusullutik 185.000 koruuninik akiliuteqartarsimasut.

Tuluit Nunaanni avatangiisinut ministeri isumaqarpoq, nannunik qaqortanik piniartarneq akueriuminaalluinnartuusoq – ingammik nannut nungukkiartupiloornerarlugit oqaluttoqartarnera tunngavigalugu, aamma nannut qaqortat najugarisartagaat silap kiatsikkiartornerata kinguneranik killeqalersimaqimmat.

Taassumali taama isummernera nannut pillugit ilisimatuut tapersersunngikkaat oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat