Nangerpassuit periarfeerunneqartut
Containeri nangerpassuarnik 350.000 koruunit nalinginik imalik, Aabenraami Jyllandip kujataaniittumi tillinneqarsimavoq.
Allattoq Louise M. Kleemann
Containeri kajortoq tonsinik arfineq-marlunnik oqimaassusilik, nangerpassuarnik nangiliorfimmit Abenameersunik imaqartoq, taamaasilluni periarfeerunneqarpoq.
Nagit tillinneqartut USA-mut assartorneqartussaagaluarput.
Tillinniarneq taama ittoq qaqutigoortuusoq, Aabenraami politiit pisortaat Knud Reinholdt DR-imut oqarpoq.
Nagerpassuit Nunatsinnut anngussimanissaat ilimanarpallaanngikkaluartoq, taamaattoq innuttaasut arlaat nanginik neqeroorfigiteriataassagunik politinut saaffiginninnissaminnik periarfissaqarput.