Nunatsinni namminiilivinnissamut oqallinneq Nunavummut naleqqiullugu inituneruvoq

Naqqiissut julip 6-at 2018: Siornatigut allapparput Canadap Danmarkimut aallartitaata Kalaallit Nunaanni namminiilivinnissaq pillugu oqallinneq inituallarneraraa, tamannalu aallartitap saaffiginninneratigut naqqiissuteqarfigaarput, Kalaallimmi Nunaata poilitikkanut isummersuisuunani oqaatigaa.

Tamanna nittartakkatigut tusagassiisarfinnut Altingetimut oqaatigaa.

Canadap aallartitaata nunarput Canadami nunamut namminersorluni oqartussaqarfimmut, Nunavummut,sanilliuppaa.

- Kalaallit Nunaanni najugaqaruit, namminiilivinnissaq imaluunniit meeqqavit atuarfiat napparsimmavimmukarsinnaanerluunniit soqutiginerusarpiuk? Nunavummut sanilliullugu innuttaasunut tunngatillugu sammisassanit allanit namminiivillinnissamut oqallinneq ilaatigut piffissamik atuiffiunerorpasittarpoq, Emi Furuya oqarpoq.

AAMMA ATUARUK Naggueqatigiit inuit inuunikinnerusut

Nunavut naalagaaffimmut Canadamut atassuteqarneranut atatillugu namminiilivinnissamik oqallittoqakulanngilaq, isumaqarporli nunarput nunavullu naggueqatigiinnikkut, piorsarsimassutsikkut oqaatsitigullu assigiingajattut.

Assigiissutsit taakku sumiiffiit namminersorlutik oqartussaqarfiusut marluk innuttaasuisa ullumikkornit suli suleqatigiinnerunissamut atorsinnaagaat, Emi Furuya isumaqarpoq.

- Suna tamarmi ajunngeqqissaartumik iliuuseqarfigisaripput oqaatigerusunngilara, taamaammat qanoq iliornerput takusiuk. Misilittakkat naleqquttut amerlasuut allat paarlaasseqatigiissutigisinnaavagut. Kalaallit Nunaat ajunngitsumik iliuuseqartarpoq, Nunavut ajunngitsumik iliuuseqartarpoq, Emi Furuya Altingetimut oqarpoq.

AAMMA ATUARUK Inuit eqqumiitsuliaat 150.000-init sinneqartut digitalinngortinniaraat