Namminersulivinnissamik suliniut Inussuk pilersinneqarpoq

Namminersulivinnissarput pillugu suliniaqatigiiffimmik pilersitsisoqarpoq. ”Inussuk” namminersulivinnissaq pillugu suliniaqatigiiffittaaq taama atserneqarpoq. Suliniaqatigiiffimmik suleqatigiillutik pilersitsisuupput nunatsinni kattuffiit politikkikkullu partiit. Suleqatigiiffiup siunertaa pillugu suliniaqatigiiffimmik pilersitsiniarnermi suleqataasoq Mininnguaq Kleist ima oqarpoq:

-Partiit kattuffiillu isumaqarput inuiaat kalaallit peqataatinneqarnerusariaqartut. Paasissutissanik assigiinngitsunik tunineqartariaqartut, oqillinnernut annertunerusumik ilanngunneqartariaqartut, siunissami sumut ingerlariarnissarput pillugu iluamik aalajangeeqataasinnaasariaqarmata.

Qaammarsaaneq, paasissutissanik tunioraaneq oqallitsitsineq kiisalu suliumassusermut kaammattuineq suliniaqatigiiffiup suliassarigai Mininnguaq Kleist oqarpoq:

- Alloriaqqissagutta, inuiaat matuersaat tigummivaat. Inuiaat aatsaat piumappata taava allorisarsinnaalissuugut.

Suliniaqatigiiffiup kikkunnut tamanut iluaqutaanissaa siunertaavoq.

- Inuusuttuinaanngitsut inersismasut amma sulisartut suliffiutillillu, tassa tamatta.

Suliniaqatigiiffimmi suleqatigissunit paasissutissat allallu inuiaqatigiinnut siammarterneqartassapput.

- Suleqatigiittussat ilaasortaat katillugit immaqa 30.000-it tungaannoorput, taamaattumik suliniarneq kattuffiit partiillu aqqutigalugit ingerlanneqassaaq.

Taavalu aamma ilaasortaasut peqataaffigisinnaasaannik aaqqissuussenerit oqallitsitsinerit assigisaallu aamma ingerlanneqartassallutik.

Suliniaqatigiiffiup Inussuup angunigassai pillugit atsioqatigiinneq pissaaq Nuup Katersortarfiani ualeru sisamanut, suleqatigiittussallu kikkuunerat tassani aamma saqqummiunneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat