Namminersulernissaq pillugu inuusuttut nangaapput
Kalaallit Nunaata namminersornerunermiit namminersornermut ikaarsaariarnissaa pillugu kalaallit inuusuttut nangaapput. Qaqortumi ilinniarnertuunngorniartut taasitinneqarmata tamanna erserpoq.
Allattoq Jaaku Lyberth
Namminersorneq pillugu kalaallit danskillu isumalioqatigiissitaata siunnersuutaat taasisitsissutigineqarmat arfiniliinnarnik amerlanerussutilimmik taaguunneqarpoq, aviisimi Sermitsiami taama allaaserinnittoqarpoq.
Ilinniartunit 124-nit 61-it namminersulernissamut isumaqataapput, 55-it akerliusut, taasiffigineqarsimanngitsullu arfiniliupput.
Namminersorneq pillugu isumaqatigiissut ilinniartut atuartitaaneranni taasisitsisoqannginnerani misissorneqarsimavoq. Taasisitsineq elevrådimit aaqqissorneqarpoq.