Namminersulernissamut isumaqatigiissut atsiorpaat

Kalaallit Nunaata Namminersornermik anguniagaqarneranut atatillugu periusissanut tunngatillugu Naalakkersuisut siulittaasuat, Hans Enoksen, ministeriunerlu Anders Fogh Rasmussen isumaqatigiissummik atsioqatigiipput.
Allattoq Louise M. Kleemann
juunip 13-at 2008 08:44

Kalaallit Nunaanni Danmarkimilu naalakkersuisut naammagisimaarlugu maluginiarpaat, Namminersorneq pillugu isumalioqatigiissitat Kalaallit Nunaanni namminersulernissamik siunnersuutaat tunngaveqartoq, Kalaallit Nunaanni Danmarkimilu naalakkersuisut isumaqatigilluinnagaannik. Isumaqatigiissut una Kalaallit Nunaanni Danmarkimilu naalakkersuisut isigaat Kalaallit Nunaata Danmarkillu akornanni naligiinnerup ataqqeqatigiinnerullu ersernerattut.

Isumaqatigiissutip ilaatigut naqissuserpaa inuiaat kalaallit inuiaasut inuiaat inatsisaat malillugit imminnut oqartussaatitaaffeqarsinnaasut.

-Isumalioqatigiissitap siunnersuutai tunngavigalugit Naalakkersuisut isumaqatigiissuteqarnerput iluarisimaartorujussuuvara. Naminersornerup atuutitinneqalernissaanut periusissarput isumaqatigiissutigalugu maanna aaqqipparput, Namminersornerlu akuerineqariarpat inatsit aappaagu inuiattut ullorsiornitsinni, juunip ulluisa 21-anni, atuutitinneqarsinnaalissaaq, Naalakkersuisut siulittaasuat, Hans Enoksen, oqarpoq.

-Ulloq taanna Kalaallit Nunaannut pingaartuussaaq, Naalakkersuisut siulittaasuat ullumi oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq