Namminersortut praktikkertoqarnerusarput
Ilinniartut amerlanernik praktikkerfissaqartalernissaat namminersornerullutik oqartussanit ujartorneqartuarsimasoq, misissuinerni paasineqarpoq, pisortaqarfinni praktikkerfissat ikinnerusut, namminersortunillu suliffiutillit praktikkerfissatut inissaataat amerlanerusut.
Sulisitsisut namminersornerullutillu oqartussani ilinniartitaanermut pisortaqarfik misissuititsisuupput.
Oqarniartoqartarsimagaluarpoq, sulisistsisut namminersortut ilinniartunik sungiusartussanik tiguserusuppallaarneq ajortut. Taamatulli oqartoqartarnera misissuititsinerup allarujusssuarmik inerneqartippaa, Kalaallit Nunaanni Sulisitsisut Peqatigiiffiat taama allappoq.
Ukioq manna apriilip maajillu qaammataani sulisitsisuni namminersortuni praktikkerfissatut inissat 200-t missaaniiissimapput, suliffeqarfinnilu namminersortuni praktikkerfiusinnaasut ukioq kingullermut naleqqiullugu 30 procentinik amerleriarsimallutik.
Namminersornerullutik oqartussat suliffeqarfissuaq angigaluaqisoq, 9-iinnarnik ilinniartuuteqarpoq.
