Folketingimi ilaasortat tamarmik, Dansk Folkepartiimi ilaasortat minillugit, juunip ulluisa 21-anni Nunatta namminiilernissaanut inatsissaq akuersissutigissagaat naatsorsuutigineqarpoq.
Ulloq malunnartinniarlugu Nunarput sinnerlugu ilaasortaatitavut, Lars-Emil Johansen aamma Juliane Henningsen, Christiansborgimi inimi ilassinnittarfimmi kalaaliminernik sassaalliiniarput, iggisissalerlugit.
Folketingimi ilaasortat tamarmik qaaqqusaapput. Namminersulernissamut Isumaqatigiissitalioqatigiit najuutissapputtaaq.
Namminersulernissamut inatsisissaq danskit nalunaaqutaat malillugu nalunaaqutaq ataatsimut Folketingimi oqallisigineqassaaq.
Folketingimi oqallinneq KNR-TV- kkut ullaap tungaa toqqaannartumik nalunaaqutaq qulingiluaniit aallakaatinneqassaaq.