Namminersornerup kingunissai ajunngitsut ajortullu paasilluarneqartariaqarsoraat

Taassuma qatanngunni Line Frederiksen Nuummeersoq peqatigalugu isumaliutissiissummit eqqarsaatissiissunik pappiaqqami ataatsimi allassimapput, inuiaqatigiinnut aningaasaqarnermullu tunngasunik imalimmik. Tamanna ima nassuiarpaa:

-Isumaqarpugut innuttaasut namminersornerup kingunissai ajunngitsut ajortullu paasilluartariaqaraat, soorlu assersuutigalugu aningaasarneq. Imaassanngimmat namminersornermi suut pissarsiarisinnaanerivut takorluuinnassagipput.

Tassami naatsorsuutigineqarsinnaanngilaq, inuit atuakkamik 600-nik quppernilimmik imaaliallaannarlutik atuassasut, Rikke Frederiksen oqarpoq.

Rikke Frederiksen qatanngutinilu allagaqarnermikkut neriupput, namminersorneq pillugu oqallinnerup sukumiinerulernissaa.

- Kinaassuseq, inuiaassuseq, inuiattullu akuerisaaneq Kalaallit Nunaannut pingaarutilerujussuupput. Kisianni neriuppugut taakkua kisimik oqalllinnermi sammineqassanngitsut, aammali aningaasaqarneq ilanngunneqassasoq, Rikke Frederiksen oqarpoq nangillunilu:

- Nunatsinnui aningasaqarniarneq ullumikkut qanoq ittuusoq nalunngilarput, tamattalu neriuppugut pitsaanerulissasoq. Taamaammat isumaqarpugut aningasarsiornikkut pissutsit oqallinnermi ilaatinneqartartariaqartut.

Rikke Frederiksen taama oqarpoq.

Taanna nammineq namminersornermut isummamut isumaqataavoq, aammali uatseernissamik isumaqarnerulluni.