Namminersornerullutik Oqartussat siorasaarpaat
Nukappiaraq pissusilersornikkut ajornartorsiutilik pinerluuteqarsimasoq pillugu suliami Namminersornerullutik Oqartussat Inuit pisinnaatitaaffii pillugit eqqartuussivissuarmut naammagittaalliuutigineqarnissaannik Isumaginninnermut Pisortat Peqatigiiffiat siorasaarivoq.
AG ullumi saqqummersoq taama allappoq.
Nukappiaraq inummut navianaatilimmik meeqqamut allamut pinerluuteqarsimasoq kommunimut najugarisaminut isumaginninnissamut neqeroorutaateqanngitsumut maanna angerlartinneqalerpoq.
-Suliakkiissut Qitiusumik Meeqqanik Ilisimasallit Ataatsimiititaliaannut nassiunneqarpoq, aaqqiissutissamillu atorsinnaasumik nassaartoqanngippat akisussaaffimmik inissiisinnaajumalluta Namminersornerullutik Oqartussat Europami inuit pisinnaatitaaffii pillugit eqqartuussivissuarmut naammagittaaliutiginissaannik isumaliuteqarpugut, isumaginninnermut pisortat peqatigiiffiata siulersuisuini ilaasortaq Helga Rask Jensen oqarpoq.