Namminersornerullutik Oqartussat ataatsimeersuarnissaq aalajangiusimavaat

Peqatigiiffik Meeqqat Inuunerissut ilaqutariit Nukittuut pillugit ataatsimeersuarnissamut pilersaarusiorneqanerannut suleqataajumajunnaarnerat Ilaqutariinnermut Peqqissutsimullu Naalakkersuisoqarfimmiit ajuusaarutigineqarpoq.
Allattoq Louise M. Kleemann
apriilip 08-at 2008 06:57

Peqatigiiffiup Meeqqat Inuunerissut ataatsimeersuarnissamut Namminersornerullutik Oqartussaat pisuutippaat pilersaarusiornerminni pimoorussinnginnerarlugit sullerlunnerarlugillu.

Ilaqutariinnermut Peqqissutsimullu naalakkersuisoqarfiup tusagassiuutinut nalunaaruteqarnermini Peqatigiiffiup Meeqqat Inuunerissut isornartorsiuteqarnerat isummerfiginngilaa, ataatsimeersuarnissamullu pilersaarusiorneq Peqatigiiffik Meeqqat Inuunerissut peqataanngikkaluartoq ingerlatiinnarnissaa erseqqissaatigalugu.

Ilaqutariit atugaat paasisaqarfigiumanerullugit naalakkersuisut misissuisitsileruttorput, misissuinermiilli inernerit 2009-p aallartisimalernerani naammassineqarnissaat naatsorsuutigineqarluni. Misissuinermi ilaqutariit aningaasaqarnikkut ajornartorsiortorujussuit amerlassuserisinnaasaannik paasisaqarnerunissaq ilimagineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq