Namminersorneq qanoq ittoq piumasarinerlutigu taasissaagut

Namminersorneq pillugu innuttaasunik taasisitsisoqalerpat, namminersorneq pillugu isumalioqatigiissitap siunnersuutaa tunngaviusariaqarpoq. Inuit Ataqatigiit taama isumaqarput innuttaasunillu taasisitsinissami inatsisissatut siunnersuut ersarinnerusariaqarsoralugu.
Allattoq Jaaku Lyberth
maajip 14-at 2008 05:27

Naalakkersuisut siulittaasuata Hans Enoksenip Inatsisartut inatsisit atortinneqarnerannut ataatsimiititaliaannut akissuteqarluni oqaraluarpoq, danskit kalaallillu naalakkersuisui inatsisissatut siunnersuut isumaqatigiinniutigeqqaassagaat. Taamalu inuttaasunik taasisitsinissaq inatsisissatut siunnersuummut attuumatinneqassanngitsoq.

Tamanna Inuit Ataqatigiit siulitaasuata Kuupik Kleistip ima oqaaseqarfigaa:

Namminersorneq qanoq ittut piumasarinerlutigu taasitsineqalerpat erseqqisarneqartariaqarpoq. Namminersorneq sunik imaqassanersoq aamma taasisitsinermi taasisitsissutigineqarnissaa Kuupik Kleist-ip siunnersuutigaa.

Namminersulernissaq pillugu innuttaasunik taasisitsinissap oqaasertassaatut siunnersuut ippassaq Inatsisartuni siullermeerlugu oqaluuserineqarpoq, ataatsimiititaliamilu suliareqqinneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq