Namminersorneq pillugu ataatsimiitaliarsuaq ataatsimiilerpoq

Ministeriunerup Anders Fogh Rasmussenip Namminersorneq Pillugu ataatsimiitsitaliarsua ullaap tungaa ataatsimiilerpoq. Ataatsimiinneq Illu Atlantikumi Københavnimiittumi ingerlanneqarpoq. Nunamik piginnittussaanerup kalaallinut tunniunneqarnissaata innersuussutigineqarnera ataatsimiitsitaliarsuarmut ullumi innersuussutigineqassaaq.

Aningaasaqarnerup inuussutissarsiornerullu siuarsarneqarnissaa pillugu suligasuartitami siulittaasup, Frank Jensenip, Socialdemokratineersup, innersuussut, sivisuumik isumaqatigiinngiffiusimasoq, ataatsimiitsitaliarsuarmut tunniutissavaa.

Namminersorneruneq annertusineqartillugu Kalaallit Nunaata nunanut allanut tunngassuteqartuni oqartussaanerulernissaa namminersorneq pillugu ataatsimiitsitaliarsuarmi aamma eqqartorneqarpoq.

Naalagaaffik inuillu pisinnaatitaaffii pillugit suligasuartitap tamanna ingerlataraa.

Namminersorneq Pillugu ataatsimiitsitaliarsuarmi siulittaasup, Jonathan Motzfeldtip, nunanut allanut tunngassuteqartunut oqartussaassuseqarnerulernissamut tunngasoq pingaaruteqartutut aamma taasareerpaa.

Ataatsimiinneq ualeru naammassineqartussatut naatsorsuutigineqarpoq.