Namminersorneq pillugu apeqquteqarit
Novembarip ulluisa 25-anni namminersorneq pillugu taasisitsinissap qanilliartornera ilutigalugu inuttaasut akornanni apeqqutit puttussuuttut imaaginnavipput. Namminersornermut tunngassuteqartunik apeqqutissaqaraanni KNR-ip nittartagaa aqqutigalugu apeqquteqartoqarsinnaalerpoq, aammattaaq akissutigineqartut atuarneqarsinnaalerput.
Allattoq Louise M. Kleemann
Apeqqutigineqartut Namminersorneq pillugu allattoqarfimmi pisortamit
Mininnguaq Kleistimit imaluunniit qinikkanit tamatumunnga attuumassutilinnit
akineqartassapput.
nutaarsiassat kingulliit namminersornermut attuumassutillit aamma quppernermi atuarneqarsinnaapput, oqaaseqarfigineqarsinnaallutillu. Aammattaaq TV-kkut aallakaatitassiami Itisiliinermi sammisat isiginnaarneqarsinnaassapput.