Namminersorneq atuutilerpat aningaasarsiorneq pillugu siunnersortit atorunnaassapput
Namminersornerullutik Oqartussat aningaasaqarnikkut politikkiata ingerlanneqarnera pillugu naliliisartunik arlaannannulluunniit attuumassuteqanngitsunik amigaateqalissaaq. Siunnersuisartut atorunnaarpata, Kalaallit Nunaat nammineerluni siunnersuisartunik pissarsiortariaqassaaq, aviisi sermitsiaq taamatut allaaserisaqarpoq.
Pisortat aningaasartuutaat aningaasarsialluunniit ineriartornerat qanoq sipaarfigineqarsinnaanersut pillugit siunnersortinik pisariaqartitsisoqassaaq.
Inuiaqatigiinni aningaasarsiorneq pillugu naliliisartunik amigaateqalissaagut, Statsministerip siunnersuisartui atorunnaarpata, aningaaseriviup Grønlandsbankip pisortaa Martin Kviesgaard oqarpoq.
Sulisitsisut Peqatigiiffiata Grønlands Arbejdsgiverforening-ip Kalaallit Nunaanni aningaasarsiorneq pillugu ministeriunerunermut siunnersuisartut atorunnaarpata amigaataalernissat pillugu aamma qisuariaateqarpoq.
Aningaasarsiorneq pillugu ilisimasalinnit nammineq piginngisatsinnit siunnersorneqartarsimavugut taakkualu annertuumik pingaaruteqarsimapput.
Kalaallit Nunaanni aningaasarsiornerup ineriartorneranik naliliisartunik nammineq peqaleraluarutta immitsinnut naammagisimaarpallaalersinnaavugut, sulisitsisut peqatigiiffiata Grønlands Arbejdsgiverforeningip pisortaa Henrik Leth aviisimit sermitsiamit apersorneqaluni oqarpoq.
Kalaallit Nunaanni aningaasarsiorneq pillugu ministeriunerunermut siunnersuisartut taartissaannik pissarsisoqarnissaata tungaanut siunnersuisartut atuinnarnissaat sulisitsisut kattuffiannit pisariaqartinneqarpoq.
