Namminersorlutik Oqartussat tillinniarfigitipput
Namminersorlutik Oqartussat allaffissuanni sapaatip akunnerata naanerani tillinniartoqarsimavoq. Allaffissup ilaa maanna politiinit assersorneqarpoq.
- Pisoq ilungersunartorujussuartut isigaarput. Uppernarsarsinnaavara Namminersorlutik Oqartussat allaffiisa ilaat iserfigeqqusaajunnaarallarmata. Paasiniaaneq aatsaat aallartippoq taamaattumik oqaatisiginnaanngilara immikkoortortaqarfiit sorliit pineqarnersut, politifuldmægtig Lars Bo Jensen KNR-imut oqarpoq.
- Tillinniat tumerisinnaasaat innarleqqunagit allaffiit ilaasa matuneqarnissaat aalajangiussimavarput, oqarpoq.
Politiit maanna Rigspolitiit pinerluttorsiornermi paasiniaaqqissaartartuinit ikiorneqartussanngorput periarfissarlu siullerpaaq atorlugu taakku Nuummukassapput.