Oqaluttuarisaanermi pisoqangajalerpoq. Danmarkimit Dronning Margrethe aappaat sapaatiuppat tunuassaaq atuuffillu kinguaariit tulliinut Kunngissaq Frederimmut nulianullu Marymut tunniutissallugu.

Kunngikkut nutaat taamaalillutik tassaalissapput Kunngi Frederik qulingat aamma Dronning Mary.

Tassunga atatillugu Namminersorlutik Oqartussat nunatsinni kommunit inuinnaallu kunnginngortoq pillugu erfalasulisarnissaat kaammattuutigaat. Namminersorlutik Oqartussat tusagassiuutinut nalunaarummi allappoq.

Namminersorlutik Oqartussat suliffeqarfiutaat tamarmik ullormi tassani erfalasulisaarnissaat ilanngullugu oqaatigaat, tamatumali saniatigut allatigut persuarsiutiginnittoqassanngilaq.

Taarsiulluguli kunngikkut aappariit nunatsinnut pisortatigoortumik tikeraaqqaarneranni nalliuttorsiornartumik persuarsiortoqarumaarpoq.