Namminersorlutik Oqartussani qarasaasiat ajornartorsiuteqarput
Namminersorlutik Oqartussani qarasaasiat programeqarfiat ataasinngormat ualikkulli ajoquteqalerput, qarasaasiallu naatsorsuuserinermi atorneqartartut matoqqatinneqarput, tassa viruseqarnissaat pulaffigineqarlutilluunniit akornusersorneqarnissaat ernummatigineqarmat. Tassa qarasaasiami programit ajoqutillit akornusersuisut e-mailikkut aqutsisut aqqutigalugit Namminersorlutik Oqartussat qarasaasiaannut pisimagunaramik.
Digitalinik aqutsisoqarfimmit ataasinngormat ualikkut nalunaaqutaq 17:24 Namminersorlutik Oqartussani sulisunut tamanut mailimik nassiussipput. IT-mik ajornartorsiuteqarneq pillugu atorfilittat politikerillu mailikkut siunnersorneqarput. Aamma nalunaarummi tassani allassimalluni Namminersorlutik Oqartussat naatsorsuuserinermi atortui marluusut viruseqarsinnaanerat pissutigalugu matuneqartut.
Digitalinik aqutsisoqarfiup pisortaata Dorte Bøge Sørensenip KNR-imut oqaatigaa, Namminersorlutik Oqartussat qarasaasianut programeqarfiat aqutsiviillu tamarmik qanittukkut akornuteqarunnaassasut, neriorsuisinnaanatilli.
Sulisut akissarsialeriffii sunnerneqarsimanesut, paasinngilarput.