Nammineq illuliassanik suliarinnittussarsiortoqarpoq
marsip 22-at 2006 08:22
Namminersornerullutik Oqartussat illoqarfinni nunaqarfinnilu nammineerluni illuliarineqartussanut illut isikkussaannik suliaqartussanik suliarinnittussarsiorpoq.
Illuliassat 440-it atorfissaqartinneqarput, tamannalu aviisit aqqutigalugit suliarinnittussarsiortoqarneratigut takuneqarsinnaavoq.
Illuliortitsinissaq aappaagu 2007-imiit 2012 ilanngullugu piffissalerneqarsimavoq, illuliassallu katiteriaannaasut pissarsiariniarneqarput.
Illuliassat qisuussapput, ”Illorput 2000”-imut imaluunniit quassuttuuinnarnit illulianut assingullutik, taama INI A/S illuliortitsinissamut suliakkiisoq neqeroorummini piumasaqarpoq.
Illuliassanik suliarinnikkumallutik neqerooruteqarusuttut neqeroorfissaat upernaaq manna maajip aallaqqaataanut killeqarpoq.
