Nammineerluni isiginnaagassiortarneq ernumanartoqarpoq
KNR-ip aningaasaqarnera pillugu oqallinnermi ernumanartoqartoq malunnarpoq – minnerunngitsumik siunissami nammineerluni isiginnaagassiat suliarineqartarnerat oqallisigineqaleraangat.
Allattoq Elisa Isaksen
Sinerissami tv-qarfiit kattuffiat STTK taama isumaqarpoq.
STTK-miit, amerlanerusunik nammineerluni aallakaatitassiortarnissaq neriuutigineqaraluarpoq, aallakaatitassiallu tamakkua KNR-imut tunisarnissaat naatsorsuutigineqaraluarluni.
Kisianni naammassisaqarsinnaaneq pillugu KNR-ip naalakkersuisullu isumaqatigiinniaqqinneranni – aamma KNR-ip aningaasanik amikkisaarneranik nalunaaruteqartoqartareersorlu – naatsorsuutigisat qatangiinnartillugit killormut ingerlasoqalernissaa, tassa nammineerluni isiginnaagassianik tunisaqarsinnaanerup ajornakusoornerulernissaa STTK-mit ernummatigineqarpoq.