NAMMCO Sisimiuni Taseralimmi ataatsimeersuassaaq
Atlantikup Avannaani miluumasut imarmiut pillugit Ataatsimiititaliarsuaq, NAMMCO, 17-inissaa ullumi ataatsimiilissaaq, Ataatsimiinneq Sisimiuni Taseralimmi pissaaq.
septembarip 02-at 2008 05:19
Savalimmiuniit, Kalaallit Nunaanniit, Islandimiit Norgimiillu aallartitat peqataassapput, taakkulu Canadamiit, Danmarkimiit, Ruslandimiit Japanimiillu aamma alaatsinaattunik peqataatitaqassapput, soorluttaaq soqutiginnittutut aallartitat aamma nunap inuiisa suliniaqatigiiffiineersut peqataassallutik.
Mattallit, puisit aarrillu amerlassusii NAMMCO-p ilisimatuussutsikkut ataatsimiititaliaata ilaatigut saqqummiutissavaa. Piniapilunnerit pisassiisarnerillu oqaluuserineqassapput, soorlu aamma piniaatsit oqaluuserineqassasut, puisinniartarnerit arfanniartarnerillu pitsanngorsarneqarnissaat aamma assersuusiorneqassalluni.
Ataatsimiinneq sisamanngorpat naammassissaaq.
