Nanortallip Kommuniani Nalunami kuultisiorfimmi mingutsitsisarnerit ukiunut allanut naleqqiullugit mingutsitsisoqannginnerusoq, Danmarkimi Avatangiisinut Misissueqqissaartarfiup misissuisimanerata tamanna takutippaa.
Mingutsitsisoqarnerup annikilliartuinnarnera ilutigalugu uumasussillit annikinnerujartuinnartumik sunnersimaneqalerput, assersuutigalugu kviksølvimik, aqerlumik kiisalu zink-imik akoqannginnerulersimallutik.
Napasorsuup iterlaani misissuinerit kuuanilu aalisarnerit takutippaat uumassusillit imarmiut mingutsitsinermik eqqorneqarnerat annikilliartortoq. Uillut equutillu aatsitassamik kobolt-imik akukinnerulersimapput.
Eqaluit sisujuitsut kanassullu misissuiffigineqarsimapputtaaq, aatsitassat akoqassusiat misissuiffigineqarsimagami.
Nalunami kuultisiornerup aatsitassarsiornermit sunnersimaneqarnersoq misissorneqarpoq, Napasorsuullu qooruani pujoralammik siaruarterineq annertunerusumik pisoq aamma paasineqarluni.
Nalunami pingajussaa misissuisoqarpoq, Danmarkimilu Avatangiisinut Misissueqqissaartarfik misissuisitsisartuusimalluni.
