Aatsitassarsioqatigiiiffik AEX Gold, Kujataani Napasorsuup Qooruani Nalunami kulltisiornissamut Vækstfondenimit Greenland Venturemiillu aningaasaliiffigineqarnera 18 millionit koruuninik ilaneqarput.Assi: Mike Beauregard/Flickr Creative Commons

Nalunami kuultisiorfimmut aningaasaliissutit marloriaatinngortikkaat

Aningaasaateqarfiit Vækstfonden Greenland Venturelu, nunatsinni kuultisiorfituamut aningaasaliinitik marloriaatinngortippaat.

Aatsitassarsioqatigiiffiup AEX Goldip kuultisiorfik 2021-mi ammaqqinniarpaa.

Aningaasaateqarfiit marluk pineqartut Kujataani Nalunami kuultisiorfimmut aningaasaliinitik katillugit 15 millionit koruunininngaanniit 33 millionit koruuninut amerlivaat.

Vækstfonden Greenland Venturelu AEX Goldimut 15 millionit koruuninik siorna juulimi aningaasaleeqataapput. AEX Gold Canadami Torontomi qullersaqarfeqarpoq.

AEX Goldip Nalunami Napasorsuup Qooruani kuultisiorfik ammaqqinniarpaa. Nalunaq A/S, piiaasinnaanissamut akuersissuteqartoq, aqqutigalugu taamaaliorniarpoq.

AAMMA ATUARUK Aatsitassarsiornissamut suliniut Vækstfondenimit Greenland Ventureimiillu aningaasaliiffigineqartoq

Nalunami kuultisiorfimmit kuulti katillugit 11 tonsi 2004-p 2013-illu akornanni piiarneqarpoq.

Siullermik aningaasaliisoqarmat, Greenland Venturep Vækstfondenillu aningaasaliissutit amerlineqarsinnaanissaannut piginnaatitsissutit aamma qulakkeerpaat. Periarfissarlu taanna aningaasaateqarfiit marluk taakku maanna atorpaat.

- Aningaasaliissutit 18 millionit koruuninik ilaneqarnerisigut aningaasaliissutit siulliit marloriaatinngortinneqarput. Aatsitassarsioqatigiiffiup piiaasinnaalernissamut sulinera nukittorsarneqarpoq, kuultisiorfiup ingerlannissaanut nioqqutissiortuulernissaanillu qulakkiissalluni, aningaasaateqarfiit marluk taakku ataatsimut taama nalunaaruteqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat