Naligiissitaanissaq anguniarpaat

Ullumikkut ulloq, marsip ulluisa arfineq-pingajuat, tassaavoq Arnat nunarsuarmioqatigiit angusaqarniarlutik sorsoqatigiiffiat. Tamanna paasisitsiniaanikkut malunnartinniarneqarpoq.

Suliniaqatigiiffiup 8.marts Gruppen-ip aaqqissugaannik ullumi ulloq malunnartinniarneqassaaq.

Naligiissitaaneq, arnat angutillu naligiissitaanissaat, inuiaqatigiittut tamatta akisussaaffigigipput sakkortuumik paasisitsiaassutiginiarneqarpoq.

Ualeru nalunaaqutaq tallimanut qiteqquppat Nunatta Atuagaateqarfiata silataani malunnartitsiniaasoqassaaq.

Arnanik persuttaasarnerit akerlilersorniarneqarlutillu akiorniarneqarput. Arnat angutillu assigiimmik suliffeqarpata assigiimmik akissarsisitaasarnissaat sorsuutiginiarneqarpoq, inuiaqatigiinnilu sunniuteqaqataaffiusinnaasuni arnat suliffeqarnissaat aamma sorsuutiginiarneqarluni.

Qinikkat periarfissartik atussanerpaat Ineqarnermut Attaveqarnermullu Pisortaqarfimmut arnamik naalakkersuisunut ilaasortassamik toqqaassallutik? Arnat Ulluannik malunnartitsiniartut tusagassiutinut allagaqaateqarnerminni allapput.

Inatsisartut upernaami ataatsimiinnerat tallimanngorpat aallartippat, apeqqut taanna akissutissarsiffigineqarumaarpoq.

Arnat angutillu naligiissitaanerulernissaat anguniarlugu oqariartuummut peqataarusukkuit, Nunatta Atuagaateqarfiata silataani ualeru tallimanut qiteqquppat najuutiinnarumaarputit, angutillumi aamma peqataasinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat