Naligiissaarinermut aaqqissuusseqqinnissaq kinguartinneqaqqittoq

Aningaasaqarnermut Naalakkersuisup, Vittus Qujaukitsup, naligiissaarinermut aaqqissuusseqqinnissamut aaqqiissutqarnissani taamaatiinnarpaa.
aggustip 11-at 2014 10:34

Nunatsinni borgmesterit sisamat 2015-imut aaqqiissutaagallartussamik ullaaq manna isumaqatiginninniaqatigai, isumaqatigiissinnaasimanngillalli.

Kommuneqarfik Sermersooq kommunenit pingasunit, Qeqqata Kommunianit, Qaasuitsup Kommunianit Kommune Kujallermiillu isumaat assigiinngippallaarmata aaqqiissuteqartoqarsimasinnaanngilaq.

Kommunit Siumumeersunit borgmesterillit pingasut ataatsimiinnginnermi isumaqatigiissimapput, Kommuneqarfik Sermersooq 117 millionit koruuninik naligiissaarinermut tapiissasut, pilersaarutaareersunit 56 millioninit annertunerungaatsiartunit, Kommuneqarfik Sermersuumiillu taama isumaqatigiissinnaaneq paasiuminaatsinneqarpoq.

Kommunit nammineerlutik isumaqatigiissinnaanngippata Vittus Qujaukitsoq aalajangiiginnassalluni oqaatigereernikuuaa. Aningaasaqarnermulli Naalakkersuisup aalajangernissaq sapaatip akunnerata tullianut kinguartippaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq