- Vi har kunnet konstatere, at Naalakkersuisoq Karl Frederik Danielsen vælger at udtale sig i strid med sandheden flere gange, blandt andet under møderne i Inatsisartutsalen, lyder det fra Pele Broberg. Assi: Partii Naleraq

Naleraq: Karl Frederik Danielsenimut tatiginninngilagut

Partii Naleqqap tatiginngikkaa, IA-p naalakersuisuunerminit tunuaqqugaa, Suleqatigiisitsisut naveerneqaqqugaa soraaqqugaaluunniit. Naalakkersuisormi eqqunngitsumik oqaluttoq, partiit pingasut isumaqarput.

Inuit Ataqatigiit, Suleqatigiissitsisut Partii Naleqqallu nalunaarutaat upperissagaanni ineqarnermut attaveqaqatigiinnermullu naalakkersuisoq, Karl Frederik Danielsen (S) aarlerinartumiippoq.

Karl Frederik Danielsenimi kukkuluttorluni eqqunngitsumik oqaluttoq partiit pingasut isumaqarput.

Partii Naleqqami ilaasortap, Pele Brobergip Karl Frederik Danielsen novembarip aqqaneq aappaatinngagu taarserneqanngippat, Inatsisartuni mittarfiit pillugit apeqquteqaat aallaavigalugu oqallinnermi tatiginninnginnermik ulloq taanna taasititsisoqartinniarpaa.

- Naalakkersuisoq Karl Frederik Danielsen ilaatigut Inatsisartuni ataatsimiinnermi eqqortut akerlianik qasseeriarluni oqaaseqartoq tusarparput, Pele Broberg oqarpoq.

- Naalakkersuisut eqqortut akerlianik oqaaseqararangata tupaallannartuusussaagaluarpoq, innuttaasulli tuitik ajoraluartumik qullaamiaataaginnartalerpaat. Partiit qinersisartut isummernissaat ernumatigalugu taama psissusilersortut isiginngitsuusaartarnerat, politikerinik qatsussinerup alliartuinnarnissaa tunngaveqalertarpoq, Pele Broberg oqarpoq.

 

IA: Paasissutissat nalornilersitsisut tulleriiaaginnaavipput

Inuit Ataqatigiit Karl Frederik Danielsenimut aamma isornartorsiupput:

- Ineqarnermut Attaveqatigiinnermullu Naalakkersuisoq ataasiaannarani imminut assortuuttunik nalunaaruteqartarpoq. Tusagassiorfitsigut saqqummiussat, naalakkersuinikkullu Inatsisartunut saqqummiussat eqqunngitsut sulinitsinnut aalajangersaaniarnitsinnullu nalornilersitsisut tulleriiaaginnavipput, Inuit Ataqatigiit siulittaasuata tullia, Aqqaluaq B. Egede oqarpoq.

Partiit taakku marluk Karl Frederik Danielsenip eqqunngitsumik oqalunneranut ataatsimut aalajangersimasumut innersuussipput.

AAMMA ATUARUK Paatsiveerutsitseqaaq: Angerpoq – naaggaarniarsimagaluarlunili

Kangerlussuup Illersornissaqarfimmik atuiinnarnissaanut tunngatillugu tusagassiortunik katersortitsinermi Illersornissaqarfiup mittarfiup ingerlanneqarneranut iluarsartuunnissaanullu akiliisuunissaanut saqqummersinneqanngitsumik isumaqatigiissuteqarnersoq, Karl Frederik Danielsen KNR-ip aperimmani angerluni akissuteqarpoq.

Angerneq kingunitsianngua naagganngortippaa, taama ittumimmi isumaqatigiissuteqanngilaq.

Isiginngitsuusaartut

Suleqatigiissitsisuneersoq Tillie Martinussen aamma nuannaanngivippoq:

- Assuarinnittoqartariaqarpoq soraarsitsisoqarluniluunniit, taanna Kangerlussuarmut apeqqummut tunngatillugu qisuariaateqarluni tusagassiutinut nalunaarummi allappoq.

- Naalakkersuisup oqartussaaffigisamini tassanilu isumaqatigiissutigineqartut pillugit apeqqutinik akissuteqarsinnaannginnera iluaqutaanngilaq, Tillie Martinussen oqarpoq.

Aqqaluaq B. Egedep (IA) Demokraatit, Siumut, Nunatta Qitornai Atassullu aamma qisuariartariaqarsorai:

- Naalakkersuisuuneq akisussaaffimmik annertuumik pisussaaffiliisuuvoq, malitassat malinneqartariaqarput. Demokraatit, Siumut aamma Nunatta Qitornai Atassullu Ineqarnermut Naalakkersuisup eqqunngitsunik nalunaaqataarnera paatsuungatitseqattaarneralu isiginngitsuusaarpaat, Inuit Ataqatigiit oqarput.

Karl Frederik Danielsenilli IA isornartorsiutaa itigartereeerpaa. Tusagassiutinut sapaatit akunneranni kingullermi ima nalunaarpoq:

- Paasissutissanik eqqunngitsunik nalornilersitsisunik saqqummiussiuartunga Aqqaluaq B. Egedep oqariartuutaani allassimavoq. Tamanna sukkulluunniit ilisarisinnaanngilara.

Partii Naleqqap Karl Frederik Danielsenimut tatiginnikkunnaarnissamik siunnersuuteqarnissaanut piffissap sivisunera Inatsisartuni malittarisassanik peqquteqarpoq. Tatiginnikkunnaarnissamimmi aatsaat siunnersuteqartoqarsinaavoq, Naalakkersuisoq Inatsisartut ataatsimiittarfianiitillugu tatiginnikkunnaarnissamullu tunngasoq sammineqartillugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat