Naleqqameersoq Emanuel Nûko Inatsisartuniit sulinngiffeqalersoq

Naleqqami politikereq Emanuel Nûko Inatsisartuniit sulinngiffeqalerpoq.

Politikeri unnerluutigineqarsinnaannginnermik atuukkunnaarsitsinerup aqaguani apersorneqarumanngilaq.

KNR-imulli oqarpoq, suliap imminut tunngasup eqqartuussivimmi aalajangiiffigineqarnisaata tungaanut Inatsisartuniiginnassalluni.

Taanna Facebookimi septembarip 27-iani uma allappoq.

- Tassa uangaavoq ullumi unnerluunneqarsinnaannginnera atorunnaarsinneqartoq, politiit suliaat silaannarmiittoq naammassinissaanut annertunerusumik oqaaseqarsinnaanngilanga, qujavungali tamanna suliarineqartussanngormat piareersimaffigalugulu, Emanuel Nûko Facebookimi allappoq.

AAMMA ATUARUK Emanuel Nûko Naleqqameersoq eqqartuussivimmi sassassasoq

Maanna inuiaqatigiit aalajangiisartuini qullerpaani inissisimanermini sulinngiffeqalerpoq.

Sooq sulinngiffeqarumasimanersoq KNR-imiit aperigatsinni taanna ima akivoq:

- Tamakku oqaatigisinnaanngikkallarpakka massakkut.

Inatsisartunut ilasortat unnerluutigineqarsinnaannginnermik illersugaapput, kisianni innuttaasut allat assigalugit politiinit paasiniaaffigineqarsinnaapput unnerluutigineqarlutillu.

Eqqartuussivinnili suliassanngortitsisoqassatillugu, unnerluunneqarsinnaannginerat inatsisartunit atorunnaarsinneqaqqaartussaavoq.

Politikeri Naleqqameersoq sumik pasineqarnersoq saqqummiunenqarnikuunngilaq.