Nalagaaffiit peqatigiit peqqussusiaat maleruarneqanngilaq
Gaza-mi akersuunnerit annikillisinneqaratik ingerlanneqartuarsinnarput. Naalagaaffiit Peqatigiit sakkuaakkunnaarnissamik peqqussusiaat maleruarnagu Israelimiut Hamasikkullu akersuunnerit ingerlatiinnarneqarpoq nutaarsiassaqartitsivik ritzau taamatut allaaserisaqarpoq.
Allattoq Jaaku Lyberth
januaarip 10-at 2009 17:02
Palæstiinamiut arfineq pingasut ullup qeqqata siorna toqutaapput, Israelimiut qamussuit sorsuutit atorlugit Gazap avannaani saassussimmata. Hamassip sorsuttartui 15-it unnuaq toqutaasimasut Israelimiut sakkuttuui nalunaarput. Hamassip sorsuttartuisa rakitsit atorlugit Israelimut saassussimmata, illoqarfik Ashskelon Gazamit avannamut 20 kilometerinik ungasitsigisumiittoq eqqorneqarpoq, inuillu marluk ikilerneqarlutik.
Israelimiut Palæstiinamiunut saassussinerat ullut 15-inissaat ingerlanneqarpoq, Palæstiinamiunit tusarfiit malillugit, palæstinamiut 800it tikillugit toqutaapput, Israel-imiut 13-it toqutaallutik taakkunannga sakkutuut quliullutik. Israelimiut ikilerneqarsimasut qassiussusiat ilisimanngilaq.
