Nal. 15: 2005-imut naleqqiullugit ikinnerit ullumi qinersiartorput

Illoqarfinni annerni sisamani, tassalu Qaqortumi, Nuummi, Sisimiuni Ilulissanilu qinersivinnut Radioavisip pasiniaanerata takutippaa, qinerisartortut 2005-imut naleqqiullugu ikinnerusut.
Allattoq Jens Thorin
juunip 02-at 2009 14:08

Sisimiuni qinersinermi aqutsisup nalunaarutigaa, qinersisartunit 3.851-init nalunaaqutaq pingasunut 1.348-it qinersisimasut. Tassa qinersisinnaasut 35 procentii taasiartorsimapput, taakkualu 2005-imut naleqqiullugit 7 procentimik ikinnerupput.

Nuummi inuit 11.499-it qinersisinnaapput, pingasunullu 3.647-it qinersisimapput. Tassa qinersisartut 31.95 procentii, taakkualu 2005-imi qinersinermi 6,77 procent-imi ikinnerupput, taamani nalunaaqutaq pingasunngortoq qinersisartut 38,72 procentii qinersereersimammata.

Ilulissani 3.227-it qinersisinnaapput. Nalunaaqutaq pingasunut 1.223-it qinersisimapput. Tassalu qinersisartut 37,9 procentii qinersisimapput, taakkualu 2005-imut naleqqiullutik 5,8 procentimik ikinnerupput, taamani nalunaaqutaq pingasunut kisitsit 43,7 procentiummat.

Qaqortumi nalunaaqutaq pingasunut qinersiartortut 2005-imi qinersiartortutut amerlatigiinnangajapput. 1.085-it ullumi qinersiartoreeersimapput, tassalu qinersisinnaasut 3.227-iusut 44,76 procentii. 2005-imi piffissami tassani qinersisartut 44,88 qinersiartoreersimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq