Nakuuserneq, aserorterineq tillinniarnerillu
Imminnut toqunnissamik siorasaarinerit, angerlarsimaffinni meeqqat inersimasullu akornanni eqqissiviilliornerit, inuit alaakoorpallaartut kiisalu aqqusinermi perulluliornerit tassaapput politiit inuiaqatigiinni sullisinerminni ilaatigut suliarisimasaat.
Taakku saniatigut nakuuserluni perulluliornernik, angerlarsimaffinni pisiniarfinni angalatinilu tillinniarnerit, aserorterinerit, kiisalu umiatsianik biilinillu aallarussinerit, imigassartorsimallutillu biilertunik suliassaminni aamma naammattuuisimapput.
Umiatsiamik aallarussinermut tunngatillugu politiit innuttaasut ilaannit nalunaarfigineqarsimapput nukappiaqqanik sissami umiatsiamik aallartunik takunnissimasumik.
Taakkulu orsussaarniarfiup eqqaani politiinit tigusarineqarput. Nukappiaqqat tigsarineqartut 13-nik 14-nillu ukioqartut politeeqarfiliaanneqarput. Pisorlu pillugu politiit inunnik isumaginnittoqarfimmut suliamik ingerlatitseqqissimapput.
Politiit innuttaasunut kajumissaaruteqarput meeqqaat sissamiittut maluginiarneqaqqullugit. Tamanna tillinniarnernik aallarussinernilluunniit kinguneqarsinnaammat.
