Nakorsat: Tarnit nakorsaattut taaguut inatsisitigut illersorneqartariaqarpoq

Tarnip nakorsaattut taaguutip illersorneqalernissaa, tarnit nakorsaasa ukiorpaaluit kissaatigisimavaat. ilinniarsimanatik tarnit nakorsaattut imminnut taagorlutik katsorsaasartut kingunerlutsitsisinnaanerat Danmarkimi tarnit nakorsaasa peqatigiiffianni siulittaasuata taakkartorpaa.
Allattoq Louise M. Kleemann
marsip 13-at 2008 10:58

- Tarnit nakorsaattut imminut taagorsinnaanerup illersorneqartariaqarnera tunngaviusumik pingaaruteqarpoq, taama oqarpoq Roal Ulrichsen Danmarkimi tarnit nakorsaasa kattuffianni siulittaasoq.

- Katsorsaaniartup suliassaminut tunngasunik ilinniarluarsimanissaa inuit nappaatillit qularisusaanngilaat. Katsorsartissimanerlu ajorigaanni katsorsarneqarnerlussimasut maalaartarfiannut maalaaruteqartoqarsinnaavoq.

- Danmarkimi ilinniarsimanngitsut katsorsaariaraluarnerisa kingunipiluinik takusareerpugut. Ilaatigut allaat napparsimasut ilinniarsimanngitsunit katsorsarnerlunneqarsimasut pinngitsaalisaallutik napparsimavinnut unitsinneqartariaqartarput, ilaallu allaat imminnut toqoriartarlutik.

Roal Ulrichsen, ukiut arlallit matuma siorna Kalaallit Nunaanneereerpoq, taamanilu, Hans Enoksenimut tarnit nakorsaattut taaguutip illersorneqarnissaa anguniarlugu inatsisiliornissaq kaammattuutigisimagaluarlugu.

-Naatsorsuutigisariaqarparpummi Kalaallit Nunaanni pisortat, soorlu qallunaat pisortaat taamaattut; innuttamik toqqissisimanartumik passunneqarnissaat isumagerusussagaat, Roal Ulrichsen naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq