Nakorsat kalaallit 22-t nunatsinnukassapput

Nunatsinni nakorsassaaleqineq oqaluttuaannan-ngulerpoq. Kalaallit nakorsanngorniat Danmarkimiittut Kalaallit Nunaanni sulisussarsiorneq ima pilerigitigaat, nakorsanngornianit 23-sunit 22-t nakorsatut nunatsinnut uterusullutik. Nakorsanngortussaq siulleq aasaru sulilissaaq, tulliilu pingasut ukiortaareerpat sulilissallutik. Kalaallillu nakorsanngorumaartussat taamaalillutik ataasiakkaarlutik maliusaannarlutik nunatsinni siunissami atorfinittarumaarput. Taama oqarpoq, nakorsat pisortaat, Birgitte Asmin Schurizek, Dronning Ingridip Napparsimmavissuani atorfilik.

Nakorsanngortartussat maliusaannarlutik atorfinittarumaarput. Eqqoqqissaartumik oqaatigisinnaanngikkallarpara, kina, qaqugu kikkullu tikikkumaarnersut.

Ukiunili tulliuttuni ataasiakkaarlutik tikittarumaarput. Nakorsanngorlaat maannarusunnerannut pissutaasunut ilaasoraara, Kalaallit Nunaata ilinniagaqarfigissallugu pitsaasutut tusaamasaanera. Maani ilikkagassarpassuaqarput. Oqaatsimmi ingerla-pallattarput, Kalaallit Nunaannimi Ilinniarnertuutut sulereerlutik Danmark-imut uteraangamik, paasinnereersimallutik oqartarmata ”Assaa ilikkagaqarnaq”.

Nakorsat pisortaat; Birthe Asmin, aperineqarami;

Qanorpiaq kalaallit nakorsanngorniartut ilinniagaqarnerisa nalaani iliuuseqartarnersut? Akivoq;

- Ingerlaavartumik paasissutissanik nakorsanngoreernerisa kingorna nassius-suiffigisarpavut sunik neqeroorfigisinnaaner-lutigik.

Isumaliortaaseq atugarput tassaavoq, pitsaasumik ilinniarfissanik pilersitsigutta, taava sapanginnagit sulisoriinnarsinnaavavut. Taamaattumik tunngaviusumik ilinniartitaanerup saniatigut immikkuullarissumik nakorsanngorniarlutik ilinniartitaanissaannik aamma neqerooruteqarfigisarpavut.

Immikkuullarissumik nakorsanngornianik ilinniartitseriaaseq nakorsaatinut sunulluunniit sammisoq nunatsinni ingerlatilersimavarput, suliatta annertuut aamma ilagaat, immik-kuullarissumik naakkut/inalukkatigullu pilattaariaatsip, saanernik paassusseriaatsit kiisalu tarnikkut nappaatinik ilinniagaqarnerup ilinniartitsissutigineqarnissai ingerlattarlugit.

Nakorsanngorniat arfineq pingasut Dronning Ingrid-ip Napparsimmavissuani ukiup ataatsip ingerlanerani ilinniartuutigineqartarput.

Aperineqarami sooq kalaallit Nunaat taama nuannarisartigineraat ? Akivoq:

Isumaqarpunga paasisaqarnerulersartut Kalaallit Nunaanni pitsaasumik siunertalimmik nakorsanngussangaanni, taava siammasissumik nakorsaatinik aammalu pilattaasarnermi piginnaaneqartariaqarlutik. Aamma isumaqarpunga ataatsimut isigalugu paasisaqarfiginerusaraat, Kalaallit Nunaanni ilinniartitaaneq pisariaqartutigut pitsaanerpaajusoq.

Aperineqarami, siunissami aggersumi suutigut nakorsanngorumaartartussat Kalaallit Nunaannut nakorsanngoriartortalernissaat pitsaaquteqassanersoq? Akivoq;

- Siunissaq ungasinnerusoq qiviassagaanni, atorfiit inuttaqanngitsut inuttalersorneqarsin-naalissapput, aamma atorfiit qaffasissut nakorsanik kalaallinit inuttalersorneqartalissapput. Tamannami siunissaraarput.

Dronning Ingridip Napparsimmavissuani nakorsat 42-pput, taakkunannga kalaallit qulingiluaallutik. Sinerissami nakorsat kalaallit pingasuupput.