- Maani taartaareersut sulilivissittarnissaat sulisussarsiornermi periutsitut pittassuartut isigaara, tikillutimmi ingerlalluartoqartoq takusarmassuk, Anne Vester Dronning Ingridip napparsimavissuani nakorsaanertut taartaasoq oqarpoq.Assi: KNR

Qulaarpaa Nakorsaq: Ilaquttat tamakkerlugit eqqarsaatigisariaqarput

Nakorsanik amerlanernik nunatsinni atorfinitsitsisoqassappat nakorsiartunut iluaqutaassaaq imaalialllaannarli iluarsiissutissaqanngilaq. Peqqinnissamut isumaginnittoqarfimmi nakorsaq taartaasimasorlu taama isumaqarpoq.

- Imminuinnaq pilluni aalajangiisoqarneq ajorpoq, aamma ilaquttat aalajangiissunneqartarput. Nakorsat nunatsinni nakorsatut atorfininniaraangamik eqqarsaatigisartagaat pillugit Droninng Ingridip napparsimavissuani ilisimajunnaartitsinermi peruluttullu inaanni nakorsaaneq, Anne Vester, taama oqarpoq.

Tassami Ilaquttat nooqataassagaangata nakorsap suliffimmini atugarisai kisimi pineqarneq ajorput.

- Najugarisassami atukkat qanoq ittuussappat, tikiffigisat qanoq issappat, inuiaqatigiinnut akulerunnissaq qanoq takorloorneqarsinnaava, meeqqat sumi atuassappat, aapparisaq sulerissava? Ilaquttat sinnerlugit maanga nuunnissamik aalajangernissamut apeqqutit tamakkua aalajangiisupilussuupput.

Aamma atuaruk Peqqissaasut amerlasuut taartaasut

Nakorsat amerlanerusut atorfinitsinneqassappata pissutsit pitsaanerulertariaqartut, peqqinnissamut naalakkersuisup Doris Jakobsenip isumaqataaffigaa.

- Annertuvoq taamaammallu aamma uani oqaatigisinnaallugu nakorsat amerlanerusut nunatsinni taamatut sulitilissagutsigit taava suliassat assigiinngitsut annertupput. Akissarsianiinnaanngilaq kisianni aamma atugarisaat, meeraasa atuarfeqarnerat meeqqeriveqarnerallu, ilinniaqqinnissaminnullu periarfissaat, peqqinnissamut naalakkersuisoq Doris Jakobsen oqarpoq.

Anne Vester nunatsinni ukiut arlallit atorfeqarsimavoq, paninili ilinniariartorluni aallarmat Qallunaat Nunaannut uterluni. Anne Vester Aalborg Universitetshospitalimi nakorsaanertut atorfimminut utertigani maanna qaammatinik pingasunik sivisussuseqartumi taartaavoq.

Aamma atuaruk Nakorsat taarseraannerat naammaginanngitsoq

Nakorsat taartaasut atorfeqaannartinniaraanni annerusumik iluuuseqarnissaq pisariaqartoq, taanna isumaqarpoq.

- Maani taartaareersut sulilivissittarnissaat sulisussarsiornermi periutsitut pitsassuartut isigaara, tikillutimmi ingerlalluartoqartoq takusarmassuk, Anne Vester Dronning Ingridip napparsimavissuani nakorsaanertut taartaasoq oqarpoq.

Aamma atuaruk Nakorsat taarseraannerat napparsimasunut nalornisitsinerulerpoq

Isummersuutit


 

Pages