Nakkutilliisut alapernaarsuisullu kattupput
Peqatigiiffiit marluk, tamarmik Atorfillit Katuuffiata ataani inissisimasut, tamarmik immikkut, Nuummi Hotel Hans Egede-mi marlunngormat januaarip aqqarnani ataatsimeersuarput.
Pingaarnertut oqaluuserineqarpoq peqatigiiffiit atorunnaarsinnissaat. Piniarnermik Aalisarnillu Nakkutilliissut Ikiortaasalu Peqatigiiffiat aamma Aalisagartassissutinik Alapernaarsuisut peqatigiiffiat ataatsimiinnerminni ullup qeqqarluinnalersoq peqatigiiffit naammassipput, peqataasunit tamanit atorunnaarsitsinissaq akuersissutigineqarluni.
Ullo'qeqqasiortoqareersoq nalunaaqutaq 13.00 peqatigiiffinnut atorunnaarsinneqartunut ilaasortaasimasut tamarmik, aamma Hotel Hans Egede-mi naapipput, peqatiffimmik nutaamik aallartitsinissaq siunertaralugu ataatsimeersuassallutik, naapinnerminnilu peqatigiiffik nutaaq pilersinneqarpoq, tassaalerluni:
Aalisakkanik Piniakkanillu Nakkutilliinermik Suliaqartut Peqatigiiffiat.
Peqatigiiffiup nutaap malittarisassaattut siunnersuutit, Atorfillit Kattuffianiit suliarineqarsimasut akuersissutigineqareermata, peqatigiiffimmi siulersuisussat ima inissipput:
Siulittaasoq Jakob Møller, siulittaasup tullia Hans Mølgaard, siulersunut ilaasortat pingasut Lars Peter Møller, Magnus Petersen aamma Frederik Olsen, taama Atorfillit Kattuffiata siulittaasua Erik Hammeken
ilisimatitsivoq.