Najaaraq Ittuk Kitsissuarsuit eqqaanni ikkarlippoq
Umiarsuaq Qeqertarsuarmiit 13-inik ilaasoqarluni Aasiannukartilluni ikkarlippoq. Najâraq Ittummilu aquttoq aalajangerpoq Kitsissuarsunnut talikkiartorniarluni, umiarsuaq qanoq ajoqusertigisimanersoq paasiniassagamiuk.
Aalajangerneqarpoq ilaasoqarluni ingerlaqqissanngitsoq, umiarsuaatileqatigiiffillu Disko Line aalajangerpoq, umiarsuaatini alla Aasianniit aallaqqammertoq taartaajartussasoq.
Najâraq Ittummut ilaagaluartut Kitsissuarsunnut aaneqarput Aasiannukaanneqarlutillu.
Ikkarlinnermi inunnik ajoqusertoqanngilaq, umiarsuarlu nammineq Aasianni amutsivimmukarsinnaasimavoq, paasineqarporlu centimeterinik qulinik annertutigisumik itserngani putusimasoq, ilaasartaatip teknikikkut pisortaa, Peter Sørensen, Radioaviisimut oqarpoq.
Najâraq Ittuup ikkarlinnera sumik pissuteqarnersoq suli paasineqanngilaq.