Naggueqatitta filmiliaat Oscarinnanniuteqataavoq

Naggueqatigiit Inuit pillugit filmiliaq ”The Necessities of Life”, kalaallisut ”inuunermi pingaaruteqarnerpaat”, Oscarinnanniuttunut ilaaginnarsinnarpoq.
Allattoq Lotte Holm
januaarip 14-at 2009 12:28

Filmi februaarip ulluisa 22-anni Oscarimik nersornaaserneqartussatut Canadamiit siunnersuutigineqarpoq.

Filmimilu angut utoqqaq piniartoq nukappiararlu naggueqatigiinnit Inunneersut Canadap kujasinnerusortaani 1950-ikkunni tuberkulosertut napparsimmavianniittut sammineqarput. Amerikamiut filmiliarinngisaasa filmit 65-it nunarsuatsinni nunanit tamaneersut akornanni pitsaanerpaanut qulingiluanut ilanngullugu ”The Necessities og Life” ullumi toqqarneqarpoq.

Filmit taakkua qulingiluat nalilersorneqaqqereernerisigut, sorliit tallimat Oscarinnanniunnermi ingerlaqqissanersut sapaatip akunnerata tulliani paasinarsissaaq.

Amerikamiut filmiliarinngisaasa akornani pitsaanerpaatut toqqarneqartut qulingiluat aamma akornanniippoq danskit svenskillu filmiliaat ”Maria Larssons evige øjeblik”, akornanniinngilarli danskit filmiliaat ”To verdener”.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq