Canadami inuit kattuffiata Inuit Tapiriit Canadami, EUp puisinit tunisanik inerteqquteqalernera ministeriunerminnut nunarsuarmi niuernermi kattuffissuarmut World Trade Organisationimut naammagittaalliutigeqquaat. Canadami Inuit EUp tuniseqqusiunnaarnera akerlerilluinnarpaat.
- 1980-ikkunni atugaarliortitaanitta kingorna aatsaat aningaasarsiornikkut qaffaqqinialeruttortugut akornuseqqinneqarpugut.
- Puisinit tunisassianik tunineqarsinnaajunnaarneq inuusuttortatta nikalluutigissavaat. Paasisinnaannginnerarpaat sooq EUp inatsisilerituuni tuniseqqusiunnaanngitsut malinniarsimannginnerai. Inuit Tapiriit Canadami ilimagaat EUp Issittumi politikkini uniormagu tatigineerukkiartussasoq.